Ágúst Reynisson er annar eigandi Fiskmarkaðsins. Hann útskrifaðist úr Hótel og Veitingaskólanum 1998 eftir að hafa lært þjóninn á Hótel Sögu. Eftir útskrift var hann veitingastjóri á Lækjarbrekku í 4 ár. Árið 2003 stofnaði hann sinn eigin veitingastað, Sjávarkjallarann, ásamt fjárfestum og var framkvæmdarstjóri staðarins í 3 1/2 ár. Árið 2006 opnaði hann ásamt fleirum veitingastaðinn Silfur og starfaði sem framkvæmdastjóri þar fyrsta ár staðarins.

Ágúst kynntist Hrefnu árið 2004 á Sjávarkjallaranum og byrjuðu þau strax að tala um að opna saman stað, en sá draumur varð að veruleika 2007 þegar Fiskmarkaðurinn opnaði.

Ágúst skartar nú þeim árangri að hafa unnið til hinna eftirsóttu Conde Nast Hot Tables verðlauna, eða best nýju veitingastaða í heiminum á öllum sínum stöðum, Sjávarkjallarinn 2004, Silfur 2007 og Fiskmarkaðurinn 2008.